11 يناير 2017 

 

من حقي افرح ما افرحش ليه

وردي فتًح  الله عليه

زاهي وجميل

بلدي وأصيل

زرعة إيديا .. وروحي فيه

ما افرحش ليه

 

سهرت أربي وادعي ربي

من كل شر يحفظ يصون

حنيًه أسقي علي نفسي ابًقٍي

أتعب ولكن تعبُه  يهون

واليوم نجاحه لي الوسام

يارب دايما كده للأمام

فالح وأشوفه راجل تمام

والعالم كله يشاور عليه

من حقي افرح ما افرحش ليه

 

وعَد ووفي أبو كف ناعم

بالفرح دفا ونجاحه حاسم

مش بس إبن أخ و صديق

فرحى كان أو حتى ضيق

شريكي هو ونٍعم الرفيق

وتملي شايف  نفسي فيه

من حقي أفرح ما افرحش ليه

 

أحمد وهو حامد صحيح

يصلي يدعي بلسان فصيح

في الكون يفكر

للرب يشكر

صادق كلامه صح وصريح

 

من حقي افرح ما افرحش ليه

Tags التصنيف: شعر كتب من طرف: shafiek1968
بتاريخ : 11 يناير 2017

(0) التعليقات | (0) التعقيبات | رابط دائم

 27 نوفمبر 2016 

نتيجة بحث الصور عن العلم فى الراس مش فى الكراس

برواز ع الحيط من مده

وكلام لا جاب ولا وده

في الراس العلم يا ولدي

 

شهادات الكون يتحدى

Tags التصنيف: شعر كتب من طرف: shafiek1968
بتاريخ : 27 نوفمبر 2016

(0) التعليقات | (0) التعقيبات | رابط دائم

 12 نوفمبر 2016 

 

حداشر حداشر اهو عدي

ولا كان غير شغل عيال

خسران ياللى انت بتتحدي

شعب إيراداته جبال

كسوفك شامه على جبينك

والحصرة في قلب مقاولينك

إدور لف مسامحينك

وأعلن توبتك في الحال

 

شهور وايام بنبسط لك

ونقول لك أهلك لهلاكك

بنقرب منك  نشرحلك

عن وهم معشش في خيالك

شياطين وأبالسة مخاوينك

من اهلك ناسك واخدينك

بفلوس علي منصب غاوينك

وخيال بيولد بيولد في خيال

ويا دوب كان شغل عيال

 

بلدك ليه ترضى تهينها

ولحم كتافك من خيرها

وتكون في ايدين ناس كارهينها

عقبة تعطل يوم سيرها

ياما الشعب المصري ما شاف

و اللي معاه ربنا ما بخاف

موشي ديان  يحكي وعساف

باريف اللى قالولنا محال

ولا كان غير شغل عيال

 

صًفنا كامل هتزينه

وبلادك تفرح برجوعك

الماضي نقول مش فاكرينه

ونقطًع  صفحة موضوعك

دول ناسك دول أهلك قرب

لا تشرق تاني ولا تغرب

الخير موجود بس نجرب

الأيد في الايد نبنى أمال

لا إرهاب ولا شغل عيال

 

 

Tags التصنيف: شعر كتب من طرف: shafiek1968
بتاريخ : 12 نوفمبر 2016

(0) التعليقات | (0) التعقيبات | رابط دائم

 11 نوفمبر 2016 

رغـــم الحـقـد الساكن جـوه قلوبهـم

رغم الخونة الغادرة  ورغم ديولهم

باقية  عظيمة    حُرة كريمة

 

بفضل جنود المـولـي نـاصـرهم


Tags التصنيف: شعر كتب من طرف: shafiek1968
بتاريخ : 11 نوفمبر 2016

(0) التعليقات | (0) التعقيبات | رابط دائم

 10 نوفمبر 2016 

صورة خيار استطلاع الرأي

غازية وفتوة وخُنثة

مستنى أيه غير خسة

اللحم الرخيص بيبظ

تلقى الديول تتهز

سعرانة الكلاب تتوز

 

عشان ما ترضى الموزا

Tags التصنيف: شعر كتب من طرف: shafiek1968
بتاريخ : 10 نوفمبر 2016

(0) التعليقات | (0) التعقيبات | رابط دائم

 05 نوفمبر 2016 

نتيجة بحث الصور عن التبلد والكسل

الكسل يعنى البلادة

خيبة مرسومه في شهادة

شايلها كل المحرومين

 

م النجاح والريادة

Tags التصنيف: شعر كتب من طرف: shafiek1968
بتاريخ : 05 نوفمبر 2016

(0) التعليقات | (0) التعقيبات | رابط دائم

 05 نوفمبر 2016 

نتيجة بحث الصور عن التبلد والكسل

الكسل يعنى البلادة

خيبة مرسومه في شهادة

شايلها كل المحرومين

 

م النجاح والريادة

Tags التصنيف: شعر كتب من طرف: shafiek1968
بتاريخ : 05 نوفمبر 2016

(0) التعليقات | (0) التعقيبات | رابط دائم

 03 نوفمبر 2016 

نتيجة بحث الصور عن تعويم الجنية المصرى

عوموك يا جنية خلاص

قـللـوك قيمة ومــقـاس

يرحم زمـان.. زمـانك

 

لما كنت تتاقل بماس

Tags التصنيف: شعر كتب من طرف: shafiek1968
بتاريخ : 03 نوفمبر 2016

(0) التعليقات | (0) التعقيبات | رابط دائم

 03 نوفمبر 2016 

صورة

الدنيا مالها والعه

والناس مهيش ملاحقة

الفجوة بينا واسعة

والخًنقة في طوقنا طابقه

ناس مش طايقة روحها

وناس صبح طموحها

تصبح تلاقي روحــهــا

من كتر الهموم مفارقه

الدنيا مالها

نار الأسعار بتحرق

والجشع طالت  نيابه

مابقتش خلاص  بتفرق

نسي الضمير صحابه

يبعونا ويشترونا

على بعض يفرقونا

ولو هننفع ياكلونا

ياكلوا ما  يقولوا لأه

الدنيا مالها

 استر يا رب تستر

شوارعنا علينا  ضاقت

الناس عماله تكتر

والرحمة حبالها دابت

وشوش غير الوشوش

غيلان أو قول وحوش

غير ذاتهم ما يعرفوش

فاكرين  الشطارة  سٍرقه

الدنيا مالها

الضحكة فينها راحت

والبسمة عُملة نادرة

شباب من بدري شابت

أحلامها ضعيفة فاترة

مش سامع  للحب حس

مبقاش غير اسمه بس

تاه بين ألف لص

خيانة ونار  وفرقة

 

الدنيا مالها

Tags التصنيف: شعر كتب من طرف: shafiek1968
بتاريخ : 03 نوفمبر 2016

(0) التعليقات | (0) التعقيبات | رابط دائم

 13 أكتوبر 2016 

 

سُكتم  بكتمٌ سٍدو الفم

مادام في كلامكم طعم السٌم

تزييف تخريف

إشاعات تحريف

مناكوا أملكوا الفتنه تتم

 

بس المولي حليم ستار

نجًا خليله في عز النار

وإحنا عروبة وأهل وجار

واللي جامٍعنا وحدة دم

 

رغم العتمة لكن جايين

شايف شمس ونور طالين

خير للكل كتير شايلين

يزيد في الخاين حزن وغًم

 

بكره يا بكره خلاص قربت

جاي في معادك صح صدقت

بعد صحيح ما كبرت وشٍبت

إنما بالفرحة تنسي تضم

 

سعودي ومصري عراقي سوداني

يمنى وسوري و ليبي عماني

جزائر مغرب و فلسطيني

كل الأمة روح سكناني

صاحبي صديقي خال أو عم

 

 

 

 

Tags التصنيف: شعر كتب من طرف: shafiek1968
بتاريخ : 13 أكتوبر 2016

(0) التعليقات | (0) التعقيبات | رابط دائم

1 2 3 ... 39 40 41  التالي»



\/ More Options ...
shafiek1968
تغيير القالب...
  • [مسجل الدخول]]
  •  
  • صاحب المدونة» shafiek1968
  • مجموع التدوينات » 461
  • مجموع التعليقات » 3
تغيير القالب
  • Void « الإفتراضي
  • Lifeالطبيعة
  • Earthالأرض
  • Windالريح
  • Waterالماء
  • Fireالنار
  • Lightخفيف

الرئيسية

    الذهاب إلى رئيسية الموقع

الأرشيف

    الذهاب إلى أرشيف تدوينات الموقع مصنفة حسب الشهور

الألبومات

    ألبومات صور و ملفات الموقع حيث يمكنك معاينتها و تحميلها
.

الروابط

    الذهاب إلى تصنيفات الروابط

الإدارة

    كل ما يتعلق بإدارة المدونة