28 سبتمبر 2015 

دايره بينا

ولا فينا

فين ملامحك

عرفينا

بتلفلفينا

تلفي بينا

بعيد نعود

بقلوب حزينا

يا دنيا مالك

ولا مالنا

يا دنيا حالك

غًير فــ حالنا

سرابك خيالك

مبقاش حلالنا

ماشين معاكى

ولا وراكي

الدمع باكي

والقلب شاكي

ولاراقش بالنا

وهي هي

جرح واسيه

صبحتى غيه

شواقه وشقيه

رايحه وجايه

حلوه وعفيه

زى البُنية

عاشقين لُغاكي

Tags التصنيف: شعر كتب من طرف: shafiek1968
بتاريخ : 28 سبتمبر 2015

(0) التعليقات | (0) التعقيبات | رابط دائم

 19 سبتمبر 2015 

 

 

مش بس كلمة  وبنقولها

حياة ومعنى وإحساس

ولا كل مًنْ بيغنى لها

عاشق ودايب إخلاص

وأنا اللي عاشقك من بدري

حُبك يا روح فـ الروح تسرى

من غير محال

من غير سؤال

أحب أحبك أنا وخلاص

=-=-=-=-=-=

اسهر وليلي بيسهر لك

عاشق وعشقك جوايا

من نظره شوقي بيوصلك

والجنة لما تكون ويايا

ما يهمنيش إلا رضاك

والعمر أعيشه معاك

اتهنى واسعد بلقاك

الصُحبة  أنت وكل الناس

=-=-=-=-=

أحلي ما فيكى يا دنيا الحب

أجمل مافيك يا حب حبيب

ساكن عيوني وجوه القلب

ما الدنيا كان أحلي نصيب

زى الندى فى الصبحية

رقيق وقلبه الحنية

مهما الحياة تقسى علي

هو القمر في الليل وناس

Tags التصنيف: شعر كتب من طرف: shafiek1968
بتاريخ : 19 سبتمبر 2015

(0) التعليقات | (0) التعقيبات | رابط دائم

 13 سبتمبر 2015 

 

 

نتيجة بحث الصور عن خرفان العيد 

متجهزين متثمنين

لُقْمة هنية يا مسلمين

مٍعيز صغار

خرفان كُبار

ولكل كل دار

فِدا إسماعيل جًًد الأمين

()()()()()

أكلونا  و كبرونا

وقت الذبح ابقوا ارحمونا

بلين وحِكمة

لا سٍكْينه تلمه

أو واحدة إتمة

بُزغد جزمه ترد دين

()()()()()

سموا باسم الله نزيد

والكل يبقى مبسوط سعيد

شياطين تعًزل

والبركة تنزل

على كل منزل

خير زيادة وفرحانين

()()()()()

وأمانه لما تقطعونا

على الحبايب وزعونا

ما تنسوش فقير

له وولاد كتير

وحلمه الكبير

منبار وفِشه أو كارعين

 ()()()()()

الشكر واجب لمن أكرامًنا

وبعودة للي تبقًى مًنا

يفتكر بواحشة

مع علًفا حٍرشه

خرفان مناوشه

عاشت وماتت شقيانين

()()()()()

 

 

Tags التصنيف: شعر كتب من طرف: shafiek1968
بتاريخ : 13 سبتمبر 2015

(0) التعليقات | (0) التعقيبات | رابط دائم

 13 سبتمبر 2015 

 

لا البعاد كان لينا  حل

أو في الخصام كانت راحتنا

جًربنا كل شيء ما قْل

شوقنا لحظة أو آه نٍستنا

يعنى قُربك شيء ضروري

زى فجرى وزى نورى

لو تغيبي أيه يبقي دوري

في الحياة  لو غربتنا

*/*/*/*/*/*/*/*/*/*/*

مستحيل هتكوني ضد

أو أكون لك غير حبيب

مش ها نبقى غير لبعض

ومين بيهرب م  النصيب

إنسي كل الدنيا وانسي

جوه بحر الشوق هنرسى

أحلي حب واحلي مرسى

بنينا ياما له أمالنا

*/*/*/*/*/*/*/*/*

لو في بكره سبيه لبكرة

كان عواصف أو جليد

بالحب كل صعب ذكرى

وبكرة لينا  أحلي عيد

ابتسامتك طوق نجاة

فجر شقشق بالحياة

العمر كله لمنتهاه

بيكى جنه مفروشة لنا

 

Tags التصنيف: شعر كتب من طرف: shafiek1968
بتاريخ : 13 سبتمبر 2015

(0) التعليقات | (0) التعقيبات | رابط دائم

 10 سبتمبر 2015 

مهداة إلي صديقى الدكتور محمد الغور " مرشح مجلس النواب عن دائرة سمنود " مع تمنياتى له بالنجاح والتوفيق 

 

اختار وأشر ياله قول

علم وثقافة وفى الأصول

فاهم وقاري

بحالنا دارى

غيرك مافيش أبدا يا غول

******

راس حورس يعنى المتانة

البراعة والشجاع والأمانة

لينا كلنا  أمن  وحصانه

شباب الوصف فيه يطول

غيرك مفيش ابدا يا غول

******

منك ومني مننًا

دكتور محمد إبننا

عارف حقوقنا وإيه لنا

سياسي واعي يصول يجول

غيرك مفيش ابداَ يا غول

****** 

في العُرف فاهم  والقانون

خط واضح مش ألف لون

في الحق ظاهر دايمًا يكون

حكيم طموح وله نقول

غيرك مفيش أبدا يا غول

*******

عشان بلدنا تبقى كامله

نختار وصح بدون مجامله

كلمتنا لجل ما تبقى واصله

حورس لدول ودول ودول

أبد مفيش غيرك يا  غول

*******

 

  

Tags التصنيف: شعر كتب من طرف: shafiek1968
بتاريخ : 10 سبتمبر 2015

(0) التعليقات | (0) التعقيبات | رابط دائم

 02 سبتمبر 2015 

يفيد بأيه  البُكا

                 والحُرقه والآه                  

مش كل مًنْ اشتكى

مظلوم في دنياه

ياما ناس بتجرح ناس

وناس بلا إخلاص

وناس بتشرب كاس

هي اللي صًباه

///

مِدى الإيدين وامسحي

الدمع تماسيحي

أستاذ وده مسرحي

بلاش بقى تسيحي

خلي البساط أحمدى

انسي الوعود وابعدي

مبقاش خلاص مقصدى

قلبك ما خان   دنياه

////

أصًبر وأسامح يمكن

من قلبي من وجداني

لغدرك لظُلمك أبدًا

مش ممكن ارجع تاني

فًـًرد الرحيل ظِله

الماضي راح كُله

بمره وبحٍلوه

جرحك أكيد هنساه

 

 

 

 

 

 

Tags التصنيف: شعر كتب من طرف: shafiek1968
بتاريخ : 02 سبتمبر 2015

(0) التعليقات | (0) التعقيبات | رابط دائم




\/ More Options ...
shafiek1968
تغيير القالب...
  • [مسجل الدخول]]
  •  
  • صاحب المدونة» shafiek1968
  • مجموع التدوينات » 461
  • مجموع التعليقات » 3
تغيير القالب
  • Void « الإفتراضي
  • Lifeالطبيعة
  • Earthالأرض
  • Windالريح
  • Waterالماء
  • Fireالنار
  • Lightخفيف

الرئيسية

    الذهاب إلى رئيسية الموقع

الأرشيف

    الذهاب إلى أرشيف تدوينات الموقع مصنفة حسب الشهور

الألبومات

    ألبومات صور و ملفات الموقع حيث يمكنك معاينتها و تحميلها
.

الروابط

    الذهاب إلى تصنيفات الروابط

الإدارة

    كل ما يتعلق بإدارة المدونة