30 يوليو 2015 

نتيجة بحث الصور عن يا نور

 

ولا أجمل م الصمت كلام

ولا أحن من الهمس سلام

للنن وللقلب الروح

جوايا من فين ما بروح

بلسم بتداوى جروح

أملي لسنين قدام

////

أيه أجمل م الحب حببتى

غير قلبك دايما يصفالي

أبعد و أتغرب  و انتٍ

قمره بتسكن فى خيالي

شايفها شفايفك ندهانى

وحنين فى ايديكى ولمساني

تمسحي فى دموعي واحزانى

أتغطى برمشك وبنام

////

الشوق ينده لك بتردى

حببتك وأتمنى تلائي

تخٌدنى عيونك وتودي

وتهًدى حنينى  وأشواقي

من قلبي لقلبك موصول

الحب بيوصف ويقول

على بالك والبال مشغول

بيكى وحدك تحلا الايام 

Tags التصنيف: شعر كتب من طرف: shafiek1968
بتاريخ : 30 يوليو 2015

(0) التعليقات | (0) التعقيبات | رابط دائم

 30 يوليو 2015 
الخميس 30 يوليو 2015 

نتيجة بحث الصور عن السيسي وقناة السويس الجديده

إندهي للعالم وقولي لهم

ولادي يا دنيا مفيش منهم

من يومي كريمة وولادة

أشكال ألوان خير بزيادة

وفيت بالعهد وكالعادة

شموع بتقيد وبتسعدهم

أنا مصر

الغرب وشرقه بجمعهًم

بسهوله وبوصل أرحامهم

يا سويسي قناتك مدى لهم

جسور الود سلام بينهم

أنا مصر

منارة لكل محبينى

شرف العٍلم على جبيني

مؤمنه وبحافظ على ديني

 

كنيسة وجامع بخدمهم

أنا مصر

راية للعلم ومرفوعة

كلمتي بالحق ومسموعة

وقناتي التانيه الموسوعة

   شهادة لولادي وتكٍرمهم

أنا مصر

 

 

 

 

 

 

 

 

 

Tags التصنيف: شعر كتب من طرف: shafiek1968
بتاريخ : 30 يوليو 2015

(0) التعليقات | (0) التعقيبات | رابط دائم

 29 يوليو 2015 

 

 

الغصن واقف مستني

عصفوره ليه لسه ماجاش

يرق أمتي وهيمني

بٍطلًه عنها ما يستغناش

هيجى .. لأ مش هيعدى

الفكر واخد ومودي

من بدري والزهر مندى

والشوق في قلبه ما بيهداش

////////////////

عشانه أشكال وألوان

الورد جاهز متذوق

من بدري صاحي وهيمان

النور يشقشق وما صدق

ع البعد مش قادر يُصبر

مستني لحظة ما هيظهر

ماخلفش عمره ولا أتأخر

دقيقه حتى ما عملهاش

///////////////

مشتاق وجوده وإحساسه

بالدنيا اللي ماليها عليه

والفرح اللي عنيه حراسه

من قلبه يعزف غناويه

أيه ماله على الله يكون خير

طمنًا عليك حتى يا طير

همسه بكلمه ما أهي كتير

 على غصن ليك رق وعاش 

Tags التصنيف: شعر كتب من طرف: shafiek1968
بتاريخ : 29 يوليو 2015

(0) التعليقات | (0) التعقيبات | رابط دائم

 22 يوليو 2015 

 

نتيجة بحث الصور عن الله عليك ياحب

 

ع القلب خفه لذيذ

في النن غالي عزيز

الله عليك يا حب

فعلا جميل تتحب

لما تروق وتحب

تجمع عزيز بعزيز

 

 

من غير ميعاد وحساب

بتسبب الأسباب

بتقرب المسافات

وتعوض اللي  فات

ع الشوق نقوم ونبات

ونقول زمان يا أحباب

الله عليك يا حب

الورد فارد غصنه

والخد واخد منه

الدنيا فينا تصالح

وتنسي بينا إمبارح

الفكر شارد سارح

وحبيبي يضحك سنه

الله عليك يا حب

لما في لقانا تزيد

عيد يسلم عيد

جوه القلوب فرحه

زى الجناين طارحه

فيها الأماني سارحة

تجنى الأمل عناقيد

الله عليك يا حب

 

Tags التصنيف: شعر كتب من طرف: shafiek1968
بتاريخ : 22 يوليو 2015

(0) التعليقات | (0) التعقيبات | رابط دائم

 15 يوليو 2015 

نتيجة بحث الصور عن حبيبتى مش بنساكي

وأتمنى اكون وياكي

لكن أكيد ح يكون

مادام العيون عيشاكي

كله فى هواكي يهون

الغربة والأيام

الناس وأى كلام

حقيقة مش احلام

عاشقك أنا بجنون

أكيد ح يكون

//////

يا بعُد يا مسافات

فكرى بهواها سارح

أميرة الحكايات

بكره اللى جي مسامح

يوعد لقانا قريب

صادق وسهمه يصيب

جامع حبيب بحبيب

تحلي الحياة والكون

///////

غنى الأمل غني

رديت بشوق مشتاق

نظرة عنيها الجنة

فيها الحنين سباق

وأنا الحبيب محبوب

فوق الجبين مكتوب

مغرم ودايب دوب

 

قلب الحبيبة حنون

Tags التصنيف: شعر كتب من طرف: shafiek1968
بتاريخ : 15 يوليو 2015

(0) التعليقات | (0) التعقيبات | رابط دائم

 12 يوليو 2015 

نتيجة بحث الصور عن أبووشين

معرفش أكون أراجوز

أو اقسم زمتى بالجوز

فلاح والعيبة ماليش فيها 

والكذب في شرعنا منبوذ

Tags التصنيف: شعر كتب من طرف: shafiek1968
بتاريخ : 12 يوليو 2015

(0) التعليقات | (0) التعقيبات | رابط دائم

 04 يوليو 2015 

 نتيجة بحث الصور عن الأمل فى الحب

تبعدني  وتعمل ما بدى لك

برضوا راح اسكن في خيالك

قدرك ..  ليلك  وشروقك

بكرة المشتاق وندى لك

 

لا حـ سلم ولا صدق غير

القلب اللي في حبه أسير

أحكي له ويحكى لي كتير

دايما يوصف لي في حالك

 

القمر السهران بيقولي

والنسمة تمللي توصًلي

رسايل في الحب تحلي

في عنيا الدنيا  وتحلي لك

 

تعالي لي وأيه فايدة بُعدك

لا أنا عاشق غيرك ولا بًعدك

على وعدك باقي وراح أعاهدك

أكون على طول اللي في بالك

 

 

   

 

 

 

 

 

 

 

 

 

 

 

Tags التصنيف: شعر كتب من طرف: shafiek1968
بتاريخ : 04 يوليو 2015

(0) التعليقات | (0) التعقيبات | رابط دائم

 02 يوليو 2015 

تحية وتقدير وإعزاز للبطل الضابط الذي رفض الذهاب للمستشفي رغم إصابته في أحداث الشيخ زويد في  سيناء إلي أن هزم المأجورين ودحرهم ، فتحية له ولكل زملائه الإبطال ،  جنودنا على أرض سيناء وإليهم جميعا أقول :

////////

فرق كبير  يا مصر ما بينهم وبينه

بين اللي خان واللي  شالك جوه عينه

أدهم عمرو البطل مغوار

لا هامه خاين أو عمل غدار

رغم الحدادي والكلاب والنار

ضحي عشانك  قهر عدوينه

 

 

 

 

Tags التصنيف: شعر كتب من طرف: shafiek1968
بتاريخ : 02 يوليو 2015

(0) التعليقات | (0) التعقيبات | رابط دائم




\/ More Options ...
shafiek1968
تغيير القالب...
  • [مسجل الدخول]]
  •  
  • صاحب المدونة» shafiek1968
  • مجموع التدوينات » 461
  • مجموع التعليقات » 3
تغيير القالب
  • Void « الإفتراضي
  • Lifeالطبيعة
  • Earthالأرض
  • Windالريح
  • Waterالماء
  • Fireالنار
  • Lightخفيف

الرئيسية

    الذهاب إلى رئيسية الموقع

الأرشيف

    الذهاب إلى أرشيف تدوينات الموقع مصنفة حسب الشهور

الألبومات

    ألبومات صور و ملفات الموقع حيث يمكنك معاينتها و تحميلها
.

الروابط

    الذهاب إلى تصنيفات الروابط

الإدارة

    كل ما يتعلق بإدارة المدونة