25 أبريل 2015 

 

نتيجة بحث الصور عن الاخوان مع اردوغان كوميدي

 منتاش عليها وصي

يا أردوا يا شركسي

فيها العيال عناتيل

على مر الزمن قناديل

جيل بسلم جيل

عباقرة ما تتنسي

 

مش كل اللي فيها ديول

زى اللي عندك دول

وإذا ثمرة في المحصول

فاسدة ما بتتحصي

 

وإن كان غرورك غوى

عشًـــم أبسله بهوى

حلالك بلالك سوى

مركب شيطانكم رسي

 

على بر الخيال شعشع

عقول جنونهم نشع

تهرتل تقول والأبشع

لا تحس لا تختشي

 

أكًل كمان كبر

زي القرود جرجر

خطط لهم وأمكر

مفتى الخراب مرتشي

 

أخر الكلام أراجوز

ارفع أيديك الجوز

دي مصر ما ها تجوز

 

لزيك جبان نرجسي

Tags التصنيف: شعر كتب من طرف: shafiek1968
بتاريخ : 25 أبريل 2015

(0) التعليقات | (0) التعقيبات | رابط دائم

 24 أبريل 2015 

 

نتيجة بحث الصور عن عايزك تعرف اني بحبك 

مش عايزك تبادل إحساسي

أنا عايزك لو تعرف بيه

إن أنا من ساسي لراسي

حُبك أنا دايب فيه

ولا غيرك ف القلب بيسكن

ولا حــ عشق يوم غيرك أبدا

ولا أجمل في الدنيا وأحسن

م الحب اللي  أنا عايش ليه

 

حبيتك والحب أماني

وأتمنى لك يا حبيبي تحب

تعيشه تحسه ولو لثواني

وابقي أوصف لي ساعتها الحب

الدنيا مش هي  الدنيا

وحياتك والناس حاجه تانيه

دايبين بين رقه وحنيه

والفرح ما أجمل معانيه

 

 

ع الليل وسكونه وقمره

حكايات في خيالك تحكيها

بيطوُل وبتعشق سهره

والغنوه الحلوة تغنيها

الحب  يقولك عن نفسه

والقلب اللى بشوقه يحسه

ساعتها يلومك كان نفسه

من بدرى ما حبش كان ليه

 

 

 

 

 

 

 

Tags التصنيف: شعر كتب من طرف: shafiek1968
بتاريخ : 24 أبريل 2015

(0) التعليقات | (0) التعقيبات | رابط دائم

 23 أبريل 2015 

نتيجة بحث الصور عن اخوان مصر يسبون فى مصر

يا عم شًفطوره

بطل تشردحها

دي مصر دي أسطوره

ولا مثلك هينصحها

وإن كان عشان المم

كان اشرف ليك ياعم

تجوع تأكلها بسُم

ولا إنك تجًرحها

 

 

Tags التصنيف: شعر كتب من طرف: shafiek1968
بتاريخ : 23 أبريل 2015

(0) التعليقات | (0) التعقيبات | رابط دائم

 23 أبريل 2015 

 

نتيجة بحث الصور عن حبيبى قمر 

بيروح القمر ويغيب

ويفوتني ليه وحدي

بيروح القمر ويسيب

الشوق يزيد وجدي

فى بعُده بقى أتحمل

يا قلبى مهما هيطول

ما قلت لك م الأول

هيجيبنا ويودي

 

عاشق وسهران له

مهما فى غيابه يزيد

لا تلوم ولا تقوله

نار الفراق بتقيد

دايب فى الهوي دوب

تشرب ولا بتوب

رضيت تبات مغلوب

خطي الصعاب عدي

 

حبيت جمال ضيه

وعشقت فيه سكونه

جميل مفيش زيه

وفى حبه مجنونه

سهران تنادى له

بالشوق تغنى له

في النن بتشيله

وبحبه متوضى

 

  

 

 

Tags التصنيف: شعر كتب من طرف: shafiek1968
بتاريخ : 23 أبريل 2015

(0) التعليقات | (0) التعقيبات | رابط دائم

 17 أبريل 2015 

نتيجة بحث الصور عن حمار ابو الريش ان شاء الله تعيش

 

هًبٍل وطبل ما تعمل حساب

لأهلك لناسك ما تقبل عتاب

لكن بناتنا وحٍشمة بناتنا

دول خط أحمر يا سيد هٍباب

 

نٍفسك ف شُهره ف سُمعه ف هٍزار

واسمك يدوى في ساحات الحٍـوار

مفيش أي مانع روح أركب حُمار

وأتعرى مــا بين خُنث كـلاب

 

منين جبت هذا المعنى الرهيب

يا مثقف ودارس فكًـر وعيب

الحُـر راجل مؤدب حبيب

يقدر حقوقنا ودينا المُهاب

 

اعمل ما تعمل في نفسك صحيح

لكن لغيرك نقولك  قبيح

إسلامنا صانهم وليه تستبيح

كرامة بناتنا بنزع الحجاب

 

تشوش تغروش ترشرش شوباش

نداله وعواله وفٍكر الهُشاش

الدين له ناسه وأنت بلاش

تخرف وتفتي وتنسي العذاب

 

 

 

 

Tags التصنيف: شعر كتب من طرف: shafiek1968
بتاريخ : 17 أبريل 2015

(0) التعليقات | (0) التعقيبات | رابط دائم

 16 أبريل 2015 

 

نتيجة بحث الصور عن قمر وناس 

حبيت فيكٍ الوفاء سباق

جذور ثابته شجر وراق

كلام موزون وله معنى

ناصع كما الذهب بًراق

 

أغيب وارجع وأنا المولود

مشتاق لحضن الدفا والجود

أنام وأنس في عنيكي السود

أسي دنيا وعذاب وفراق

بحور رقه وأنا السباح

وموج هادي قريب لماح

منين ما اتعب يشيل برتاح

أغيب وارجع واهيم واشتاق

 

حنين الحب  والإحساس

قمر عالى لكن وناس

ساكن قلوب جميع الناس

ونور دايم صباح ومساء

 

 

Tags التصنيف: شعر كتب من طرف: shafiek1968
بتاريخ : 16 أبريل 2015

(0) التعليقات | (0) التعقيبات | رابط دائم

 14 أبريل 2015 

نتيجة بحث الصور عن في حب مصر

بالهمهمات نازل يطرطش

قلت ... ولا لأ  ما قلتش !!!؟؟

الصراحة ما اترعـبتش

قلت آه ..  وآه.. ما خفتش

الغربة يمكن تبقى قدري

والوسام باين في صدري

إني  مصري وابن مصري

 

شقيان ولكن ما انكسرتش

Tags التصنيف: شعر كتب من طرف: shafiek1968
بتاريخ : 14 أبريل 2015

(0) التعليقات | (0) التعقيبات | رابط دائم

 14 أبريل 2015 

 نتيجة بحث الصور عن مصر العظيمه

وحشاني من  زمان

يا ساكنه فى الوجدان

بلد الحبايب مصر

 

دايما بخير وأمان

Tags التصنيف: شعر كتب من طرف: shafiek1968
بتاريخ : 14 أبريل 2015

(0) التعليقات | (0) التعقيبات | رابط دائم

 14 أبريل 2015 

نتيجة بحث الصور عن حبيبى منى قريب

بدي أقولك كلمتين

وأنت أصلك مش غريبة

عارفه نفسك عندي مين

حبيبه واكتر من حبيبه

واما ريح الغربة تعصف

مش بلاقى حد ينصف

غيرك انت ما عمره يخلف

باختصار منى القريبة

باشتكى لك م الحياه

عمري ده اللي منى تاه

بين بلاد جنتها نار

غربه فيها المُر يااااه

كاس وبشرب فيه ما بخلص

مهما بوفي لناس وبًخلٍص

شفت فيهم خٍسة واخبس

حقد واصل منتهاه

والحقيقة للحقيقة

ألف معني وميت طريقه

ناس تعانى وناس جريئة

ظالمه  قال وتقول بريئة

ناسيه إن فيه حساب

وإن الدنيا بس باب

يوم ما يفتح  يوم مُهاب

جنه مأوي أو عذاب

بشكي ليكي وأنت عارفه

حاسة بيها لامسه شايفه

كل ما أنوي ع الرجوع

 ألقي بين الأهل منفي

باختصار خليكى جنبى

أهلي ناسي عيون حبايبي

من زمان جرحًــني خبي

هوني  بالقرب صعبي

 

 

 

Tags التصنيف: شعر كتب من طرف: shafiek1968
بتاريخ : 14 أبريل 2015

(0) التعليقات | (0) التعقيبات | رابط دائم

 12 أبريل 2015 

نتيجة بحث الصور عن على عبدالله صالح والحوثيين

لما العميل يصبح زعيم

أكيد هيبيع الوطن

عقله  السقيم قلبه الرجيم

ما يهمهوش صنعا وعدن

الله أكبر ع المعتدين    

الظالمين الحاقدين

النصر مكتوب ع الجبين      

لجيشنا العربي المؤتمن

====

الآنا فيه استحكمت

فردت قلوعها ع الملأ

نفسه الدنيئة سلمت

نزل يخبط في السبق

عٍرق الأبلسه فيه شرد

قتًل وزود في العدد

نفسه يزيلها للأبد

رَهن بلاده بدون تمن

====

نأبك يا صالح في التراب

وأكوام القش والهدد

اليمن مش راح تبقى خراب

سعيدة هتفضل للأبد

والذل على مر السنين

فوق رؤؤس الرافضين

تجار الدين المأجورين

تايهين بدون مأوي وسكن

 

 

Tags التصنيف: شعر كتب من طرف: shafiek1968
بتاريخ : 12 أبريل 2015

(0) التعليقات | (0) التعقيبات | رابط دائم




\/ More Options ...
shafiek1968
تغيير القالب...
  • [مسجل الدخول]]
  •  
  • صاحب المدونة» shafiek1968
  • مجموع التدوينات » 461
  • مجموع التعليقات » 3
تغيير القالب
  • Void « الإفتراضي
  • Lifeالطبيعة
  • Earthالأرض
  • Windالريح
  • Waterالماء
  • Fireالنار
  • Lightخفيف

الرئيسية

    الذهاب إلى رئيسية الموقع

الأرشيف

    الذهاب إلى أرشيف تدوينات الموقع مصنفة حسب الشهور

الألبومات

    ألبومات صور و ملفات الموقع حيث يمكنك معاينتها و تحميلها
.

الروابط

    الذهاب إلى تصنيفات الروابط

الإدارة

    كل ما يتعلق بإدارة المدونة