خبر عاجل وهام
من عند الصهاينة اللئام
فى غفلة من الشعوب العربية
وخوفا من المرأة الفلسطينيه
ورعبًا من الاطفال الغزاوية
فقد قرروا شن حربا أبادية
تقتل الاطفال وتفتت الحجارة
تدفن النساء أحياء مع كل غاره
لا يبقى خضرا ولا معالم لحارة
وللعرب حسن المشاهده و الإثارة
وفى النهاية نأبهم على فشوش
أطفال ابطال والنسا ما بيخفوش
وإن ماتوا أحياء عند ربهم ما متوش
وفلسطين ولادة
وغير بالقدس ما بيرضوش
أنا وأخـويـا مـع أبن عمي
ولابـن عـمـى حـقـوق علــًي
فرحه فـرحي وحزنه همــي
ودمه عمره مـــا يبقى مـيـًا
أشٍد عًزمه وأكون له نصر
أتني صعبه يـدوس يـُمـر
أبقى قوة وحـيـل وصـبـر
ما بخلشى عنه بنور عنيــًا
بالتفاهم بالأصــول
والأصول جدود وجيره
مـنـه اسـمـع لــو يـقـول
الصعبة تصغر لو كبيره
كل شيء يهون يــــدوب
مادام يا طيبه في القلوب
بينا لو عٍـتـاب يــدوب
مش اختلاف لأ حسن نيه
الحـيـاة دمــوع و شـهــد
والربيع بعد الخريف
شوك وساكن جوه ورد
والسحابة ضل صيف
دوارة ماشيه زى ساقيه
الكلمة الحلوه بينًا باقيه
فينا تروى حنين وعافيه
ع الكل فاض خيرها وغنية
مش بحاجه لأكل منكوا أو طحين
شٍبعنا جوعنا للصهاينة صيد ثمين
ردوا عنا طيارتهم والقنابل .......
جًرحٍنا يا عرب نـازف مـن سنين
سلام يا عرب شالوم وسام
اشجعكوا دان وأتغطى نام
ساب الكلاب تنهش في لحمى
غزه الخليل ضالمه وركام
سلام يا عرب
دم الصهاينة عليكوا غالى
ودمى هين رخيص و بالى
أموت فطيس تنحرق عيالي
حيوا الصهاينة أدوهم وسام
سلام يا عرب
فين الشجاعة يا أبو صوت طرشنى
يا عايق يا منظر سكوتك وجعني
كان نفسي أشوفك هنا جنب منى
سند لظهري تخفف ِآلام
سلام يا عرب
في الفرح طبلك يا عم زايط
رافع رقبتك في الكاميرا شابط
في الجد ضايع بين الخرايط
بٍعت القضية ليه يا الهُمام
سلام يا عرب
مش طالبه منكوم إمداد وحرب
في موتكوا قالوا الضرب صعب
شجعان ولأدى ولينا رب
صامدين ندافع لو ألف عام
سلام يا عرب
فلسطين ودمي فداك يا قدس
بيك قلبي نابض حياه وحٍـس
أنت الهوية وأنت اللي بس
ع الدنيا عيشتي من غيرك حرام
سلام يا عرب سلام سلام