29 ديسمبر 2013 

alt

صف واحد كله طابور

كله هيكشف فى المستور

واخد كام

قابض كام

لجل تعطل فى الدستور

 

زى الفحل ساقوك مطلوق

منظر يكسف غايه فى السوق

صحصح يا بنى شويه وفوق

دارس فاهم مش طرطور

 

فاكر إنك يعنى عظيم

لما تعطل فى التعليم

أو هـ تكسر مبنى سليم

إبليس طبعا بيك مسرور

راجع نفسك قوم واحسبها

بتقول بلدك وأنت حببها

يبقى ازاى بأيديك تخربها

وتسيب الفتنة ما بينا تدور

 

هى كراسى وهى السُلطة

طرته كبيره وأنجر فته

واللى عنيه ع الطبخه اتغطى

عمال يحدف سُم  و زور

 

فرق ما بين وهم وأحلام

عيسى وموسى وفى الاسلام

القتل حرام الدم حرام

الله سلام و محبه ونور

 

 

 

 

 

 

 

 

 

 

 

 

 

 

 

 

Tags التصنيف: شعر كتب من طرف: shafiek1968
بتاريخ : 29 ديسمبر 2013

(0) التعليقات | (0) التعقيبات | رابط دائم

 26 ديسمبر 2013 

 

يارب يشفيك ياطارق وتقوم بالسﻻمه وتضرب الخرفان بالجزمه

مهداه الى شقيقى (  طارق السعيد ) الذى أصيب فى حادث تفجير مديرة أمن الدقهلية وهو سهران على أمن الوطن يؤدى واجبه  ... إليه وإلى كل مصاب أو شهيد أقول :

 

بلغوه

بلغوه منى السلام

بلغوه منى التحية

البًطل من غير كلام

فخر ليكوا وفخر ليا

أبن مصر صحيح ومخلص

كان بيسهر لجل يُحرس

لجل فينا الأمن يغرس

لجل مصر تعيش أبيًـا

بلغوه ألفين تحيه

 

عرفوه إن الافاعى

والكلاب دخلت جحورها

وإًن شعبك صاحى واعى

مقدرين للشرطة دورها

أما جيشنا فــــ خط أحمر

فوق الصعب يخطى يعبر

منتصر دايـمـاً وأكـــبــر

مــن إرهاب ملعون بليه

بلغوه منى التحيه

 

كــــل نـقـطـة دم سـالت

من مصاب أو من شهيد

جــوه قلب الـكـل سابت

درس صعب لـكـن مفيد

باختصار إن احنا وانتم

شرطه شعب وجيشنا يسلم

كله واحد كله سلًم

مصر بالأبطال غنيه

بلغوه منى التحيه

 

قوم بسرعة ارجع لصفك

داوى جرحك يا بن أبويا

قوم يا طارق وإحنا خلًفك

ضد كـــل جبان يــا أخويا

العار أكيد ح يكون مصيرهم

مصر أكبر مـن ضميرهم

تار كبير بينا  وبينهم

دم عمره ما يبقى ميه

بلغوه منى التحيه

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Tags التصنيف: شعر كتب من طرف: shafiek1968
بتاريخ : 26 ديسمبر 2013

(0) التعليقات | (0) التعقيبات | رابط دائم

 19 ديسمبر 2013 

alt

وأقولها لـكـم لـحـد  الصبح

 مهوش راجع ولـو  بالذبح

                          مهوش راااااااااااااااااا جع

                          يا هليبه ....

                          لا بمصيبة ..

                         ولا بغيبه ....

                        ومش عيبه  ....

                        لـــوتـتوبـوا تـطلبوا الصـلح

Tags التصنيف: شعر كتب من طرف: shafiek1968
بتاريخ : 19 ديسمبر 2013

(0) التعليقات | (0) التعقيبات | رابط دائم

 18 ديسمبر 2013 

 

صورة: ‏من الصور التي هزت قلبي.......‏ 

 

نايمين فى سابع نومه

والغفله ملهاش قومه

تجار كلام شطار

فى الزيف سيوف مسمومة

 

الحقد فرًع عشش

والفكر فاضي ممشش

الكبر زاد ومكلبش

يا سلطه يا مكلومه

 

وسط الصعاب والنار

شجعان زمان أحرار

نحمى الوطن والجار

وصفوفنا مش مقسومة

 

                                                                          

                             فيصل والأسد  ناصر

حافظ حسين أو ياسر

صدام الامه يا مغامر

أسود العرب معلومة

 

كنا وكانوا زمان

صبح الوطن أوطان

والفرقة والأحزان

خلوا القلوب مهمومة

 

 

أدى سوريا وفلسطين

للكل أهم واضحين

يا عرب يا مسلمين

الهٍمة ليه ملجومه

 

 

ويا الرضيع ما  مات

ضمير العرب فـ  سكات

بناتنا يا بشوات

فى الخلا  والعرى كومه

 

 

 

 

 

 

 

 

 

 

 

Tags التصنيف: شعر كتب من طرف: shafiek1968
بتاريخ : 18 ديسمبر 2013

(0) التعليقات | (0) التعقيبات | رابط دائم

 17 ديسمبر 2013 

alt

صباح الجمال والرقة

والكلمة الجميله الصادقة

فى أجمل معانى تدوب

وتقول للحياة مش فارقه

Tags التصنيف: شعر كتب من طرف: shafiek1968
بتاريخ : 17 ديسمبر 2013

(0) التعليقات | (0) التعقيبات | رابط دائم

 16 ديسمبر 2013 

alt

نعم نعم  نعم نعم

للحق للإنصاف نعم

دستورنا نورنا فـ دربنا

عادل وجامع للحٍكم

نعم   نعم

 

أفريقى عربى فى ملمحه

فصيح ومالى مطرحة

للمولى وحْد سبحه

للعلم حكًم واحتكم

  نعم   نعم

 

الكل فيه سواسية

فُقرا زى الأغنية

لله الدين أما هى

لأولادها مصر أم الكرم

نعم       نعم

   

قال الشباب يعنى الامل

فخره وكرامته فى العمل

صف واحد لو اكتمل

يوصل يحقق ما حلم

نعم       نعم  

 

الكلمه لينا لرأينا

والشورى فينا ومننا

وعشان بلدنا تهمنا

العزة ليها وللعلم

نعم        نعم  

Tags التصنيف: شعر كتب من طرف: shafiek1968
بتاريخ : 16 ديسمبر 2013

(0) التعليقات | (0) التعقيبات | رابط دائم

 13 ديسمبر 2013 

 

alt

حياتك يا بن أدم فــي الدنيا اختبار

بطوعك بــأمرك بأيديك لـــ اختيار

يا تفنا لحياتك .... 

يا تفني حياتك ...

 

لــعـيـون  الـجـنـة ودار الـــقــرار

Tags التصنيف: شعر كتب من طرف: shafiek1968
بتاريخ : 13 ديسمبر 2013

(0) التعليقات | (0) التعقيبات | رابط دائم

 13 ديسمبر 2013 

 

alt

في بلدنا الفقر وراثة

والموت م البرد يا ساسه

وكلامكم هواه ما أتغير 

 

إثبات  انكوا هلاسة

Tags التصنيف: شعر كتب من طرف: shafiek1968
بتاريخ : 13 ديسمبر 2013

(0) التعليقات | (0) التعقيبات | رابط دائم

 05 ديسمبر 2013 

alt

جانى المهندس عشان يهندس

طلع مهنج ضارب له ويندوز

الفارة واقفة ومش عايزه تمشى

والكي بورد سهران ما نمشى

عمال يفقر ما بيشتغلشى

طالع مبرجل نازل يعكز

 

على قلبى يدي وبقول يا ساتر

مسكين يارب تعمل لى خاطر

ميكونشى فيرس أو هكر و شاطر

والباش مهندس عرقان مركز

 

يضرب في أيده يطلع بسلكه

ترجع أيديه وشايله ماركه

مصارينه خارجه وكأن عاركه

شاب الجهاز وفى لحظه عجز

 

 

أقوله حاسب وراعى وضعى

يقولى مين فينا  الصنايعى

قرب تعالى أقعد في مضعى

وانا توم هـ أقشر أو  لب أزأز

 

خمس سنين في الجامعه بدرس

في الكار  ده عمري وجسمي نحس

مبروكه  أيدي  و لو  تملس

تلقاها هاصت  وبسرعة تنجز

 

 

فضل يعافر فضل يفلفص

ولما ملقاش فيها مفيص

خلع وسبني في صوابعى أمصمص

غرقان ذٌرايا ومش لاقى مٌنقذ

 

فجأه نور الشقه نور 

كان أصله قاطع من ساعة واكتر

نطيت  وقلت الله أكبر

سبحانه أحيا الجهاز وعزز

 

الفارة ماشيه رهوان تعظم

والكي بورد عمال ينغم

الشغله سهله مش عايزه معجم

الفيشه واقعه وعمله لنا مغرز

 

 

 

 

Tags التصنيف: شعر كتب من طرف: shafiek1968
بتاريخ : 05 ديسمبر 2013

(0) التعليقات | (0) التعقيبات | رابط دائم




\/ More Options ...
shafiek1968
تغيير القالب...
  • [مسجل الدخول]]
  •  
  • صاحب المدونة» shafiek1968
  • مجموع التدوينات » 461
  • مجموع التعليقات » 3
تغيير القالب
  • Void « الإفتراضي
  • Lifeالطبيعة
  • Earthالأرض
  • Windالريح
  • Waterالماء
  • Fireالنار
  • Lightخفيف

الرئيسية

    الذهاب إلى رئيسية الموقع

الأرشيف

    الذهاب إلى أرشيف تدوينات الموقع مصنفة حسب الشهور

الألبومات

    ألبومات صور و ملفات الموقع حيث يمكنك معاينتها و تحميلها
.

الروابط

    الذهاب إلى تصنيفات الروابط

الإدارة

    كل ما يتعلق بإدارة المدونة