مدونة شفيق السعيد 2 | يونيو 2013


 28 يونيو 2013 

alt

المكايد فى المطابخ

طعم مر وشكل ماسخ

الدم مصرى ومش رخيص

والكرسى زايل يا مشايخ

 

 

Tags التصنيف: شعر كتب من طرف: shafiek1968
بتاريخ : 28 يونيو 2013

(0) التعليقات | (0) التعقيبات | رابط دائم

 28 يونيو 2013 

 

 alt

عملت فيها الواد غضنفر

وقلت هسهر معاك يا بابا

سهيت لقيت قطرك بسفًر

ويـًا الملايكه مغرم صبابا

وسبت أبوك مشغول يضًفر

شعور حببته على صوت ربابه

حببتى يا بنى اللى ليها بسهر

وأشيل معاها هم الغلابه

أم الكنيسة والنيل ولــ زهر

والقلب لبيض مليان طيابه

مصر التاريخ ناصع مسطر

وقت المحن  بتزيد صلابة

وان ريح ربيعها عاند وعفًر

قادرة تنفض عنها السحابه

وتعود صبيه تشغل وتسحٍـر

ع البعد منها يخافوا الديابه

 

 

 

 

Tags التصنيف: شعر كتب من طرف: shafiek1968
بتاريخ : 28 يونيو 2013

(0) التعليقات | (0) التعقيبات | رابط دائم

 27 يونيو 2013 

 

alt 

أرحل عنا الله يسهل

ويهون سيبنا

نرجع نبدأ م الاول

ونعيد ترتيبنا

سنه راحت منا بدون فايده

خسارتنا كبيره أكيد جامد

إنما يتعوض بالواحده

واهى عين وصابتنا

 

عدالة كرامه وحرية

والأمن ضحية

ولا شفناش واحد فى الميه

وبقينا هفيه

نشحت بس عشان ناكل

وديون تتكركب فـ الباطل

من أكبر منصب للعامل

طهقنا غلوبنًا

 

كلام الليل المدهون

بالزبده ما ساح

والوش اللى أخد ميت لون

بــ قناعك راح

وحقيقتك بانت وعشيرتك

وولائك كان بس لجيرتك

ندمان أنا ليه كنت اختارتك

مايل يا نصيبنا

 

 

 

 

 

 

 

 

 

 

Tags التصنيف: شعر كتب من طرف: shafiek1968
بتاريخ : 27 يونيو 2013

(0) التعليقات | (0) التعقيبات | رابط دائم

 25 يونيو 2013 


altalt

أرض العروبة العامره

بجمال الطبيعة الساحره

يحرسها رب الكون لنا 

م  القدس لما  القاهره


Tags التصنيف: شعر كتب من طرف: shafiek1968
بتاريخ : 25 يونيو 2013

(0) التعليقات | (0) التعقيبات | رابط دائم

 19 يونيو 2013 

 

alt 

آه يا أمه آه يا انا

مركبنا حيرانا

والزرع ما بنبت

من أرض عطشانا

 

من غير سبب واضح

صبح الخلاف فاضح

يا عقلنا الراجح

الهٍمه ويانا

 

مٍدى الأيدين ضمى

شمل العيال لمى

منهُم ومن دمى

يا مصر يا كنانه

 

طول عمرنا رايه

فى الرايحه والجايه

وبعلمنا حكاية

الدنيا عرفانا

 

نفسى أنا ودي

سحابتنا دى تعدى

ويعود زمانا جدى

بالخير وعمرانا

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Tags التصنيف: شعر كتب من طرف: shafiek1968
بتاريخ : 19 يونيو 2013

(0) التعليقات | (0) التعقيبات | رابط دائم

 18 يونيو 2013 

alt  

أحذر عدوك بالمره

أما الصديق لو بان غضبًه

بالحلوه عارف والمُره

وأيه بتكره وتحبُه

 

أختار ودقق في خيارك

الفكرة بالفكرة يشارك

مش بس يمدح ويبارك

نصيحته تُخرج من قلبه

 

سٍره من سٍرك نفسه

يبوح بكل اللى فـ نفسه

من الزمان لو زاد يأسه

لا يخون ولا يغضٍب ربه

 

صديق بيصدُق ويصدْق

بالخير يقدم ويسبق

مهما السنين بينكوا تفرق

العٍشره بيصونها وصاحبه  

 

على قد ما بياخد يدي

بروحه يفديك ويبدًى

في الصعب شايلك ومعدى

ويصارع الموج بمراكبه

 

فى الفرح فرحك والغنوه

هو الأمان هو القوه

مرايه من بره لجوه

واضح ولو حتى تعاتبه

 

 

 

 

 

 

  

 

 

 

Tags التصنيف: شعر كتب من طرف: shafiek1968
بتاريخ : 18 يونيو 2013

(0) التعليقات | (0) التعقيبات | رابط دائم

 16 يونيو 2013 

alt

 

طل نور من جوه نور بيشع نور

بابتسامه وفرح ياما وبالسرور

طار وحط فـ قلب شط من الخضار

يستنى بُكره بفٍْكره بٍكره وبالزهور

 

 

Tags التصنيف: شعر كتب من طرف: shafiek1968
بتاريخ : 16 يونيو 2013

(0) التعليقات | (0) التعقيبات | رابط دائم

 14 يونيو 2013 

alt

طيرنا المسافر راجع يا حول الله

مجروح جناحه انكسر يااااااااااه

عُقد الامل حوالين رقبته انفرط

يا هل ترى ده الموت ولا بداية الحياة

 

 

Tags التصنيف: شعر كتب من طرف: shafiek1968
بتاريخ : 14 يونيو 2013

(0) التعليقات | (0) التعقيبات | رابط دائم

 11 يونيو 2013 

alt

النهضة يعنى تقوم من  مكانك

ينهض ويركب واحد بدالك

يبرطع يضيع حر في حلاله !!

زمانهم معدشى يا طيب زمانك

 

سلم هتسلم تجاور سعيد

تبوز تبرطم هتخسر أكيد

وتبقى المشاكس عدوه الوحيد

يسمم في بدنك يطرش ودانك

 

صبحت حياتنا  بقاله و ماركت

أسعارها نار في الجته مسكت

تبكى القلوب على رحمه  هٍربت

تشكى ما تشكى حظك ونابك

 

تجاره وشطاره ومين زيه شاطر

يسافر يعافر بسيفه اللى باتر

راجع  و دايما بجبر الخواطر

عزومه لتنابلة وسُلفه لجنابك

 

نظرة يا صاحب مقامنا الرفيع

يا نايم وغافل  شخيرك فظيع

مضيع شبابنا ونيلك بضيع

ولساك تهون توارب في بابك !!

 

كتر الوعود كلام في الاغانى

عمر الكلام ما شيد مباني

أما التاريخ  فاعشان حقاني

بكره أما يحكى هيلعن شبابك

 

 

Tags التصنيف: شعر كتب من طرف: shafiek1968
بتاريخ : 11 يونيو 2013

(0) التعليقات | (0) التعقيبات | رابط دائم

 09 يونيو 2013 

alt

م الوطنى للإخوان

يا قلبى لا تحزن

تجاره بالأوطان

وبيعها لو أمكن

أحياء بنتورث

جيوبنا بتفلس

من غير كسوف حدث

على جهل بتمكن 

 

 

 

 

 

 

 

 

 

 

Tags التصنيف: شعر كتب من طرف: shafiek1968
بتاريخ : 09 يونيو 2013

(0) التعليقات | (0) التعقيبات | رابط دائم




\/ More Options ...
shafiek1968
تغيير القالب...
  • [مسجل الدخول]]
  •  
  • صاحب المدونة» shafiek1968
  • مجموع التدوينات » 463
  • مجموع التعليقات » 3
تغيير القالب
  • Void « الإفتراضي
  • Lifeالطبيعة
  • Earthالأرض
  • Windالريح
  • Waterالماء
  • Fireالنار
  • Lightخفيف

الرئيسية

    الذهاب إلى رئيسية الموقع

الأرشيف

    الذهاب إلى أرشيف تدوينات الموقع مصنفة حسب الشهور

الألبومات

    ألبومات صور و ملفات الموقع حيث يمكنك معاينتها و تحميلها
.

الروابط

    الذهاب إلى تصنيفات الروابط

الإدارة

    كل ما يتعلق بإدارة المدونة